2016年，因紐特族（愛斯基摩人嘅分支）原住民導演阿妮菲亞·阿娜·巴里（Alethea Arnaquq-Baril）拍攝咗一套紀錄片，叫做《憤怒的因紐特人》（Angry Inuk），回應外界對愛斯基摩人嘅批評同誤解，其中一個主要爭議就係關於海豹狩獵。海豹作為少數可以喺極地生存嘅生物，愛斯基摩人嘅生活可以話離唔開佢哋，例如佢哋會用海豹嘅皮毛嚟整衫，用骨頭充當工具起屋、生火，而海豹肉亦係佢哋嘅主要食糧。喺上個世紀七十年代，諾貝爾醫學獎得主奧古斯特·克羅（Dr. August Krogh）就留意到愛斯基摩人比鄰近嘅丹麥人冇咁多心血管疾病，經研究後發現，秘密就係海豹脂肪組織入面嘅海豹油。究竟海豹油有咩咁神奇？有啲咩功效？同平時成日聽到嘅魚油又有咩分別？邊樣比較好呢？等小編慢慢解釋畀你聽啦！
海豹油同魚油有咩分別？
1. 豐富嘅Omega-3有助心血管健康
海豹油之所以令到愛斯基摩人少啲出現心臟問題，全靠含有大量嘅Omega-3必須脂肪酸，對心血管同腦部有保健作用。雖然魚油都含有豐富嘅Omega-3，包括DHA同EPA脂肪酸，具備調節三高同強化腦神經嘅功效，但海豹油除咗DHA同EPA之外，仲蘊含DPA脂肪酸。海豹油含有高濃度DPA，大概係深海魚油DPA含量嘅10倍。由於海豹嘅主要食物係魚，海豹可以利用新陳代謝同消化系統嚟過濾一啲喺魚類體內嘅天然雜質，淨化Omega-3脂肪酸，同時將DPA加入Omega-3，呢個過程係普通魚類做唔到嘅。DPA可以促進細胞生長同構成，亦加強心血管嘅保護作用，令血管保持彈性，減低患上心血管疾病嘅風險。
2. 更多好膽固醇、對抗血管積聚
除咗脂肪酸，兩者嘅膽固醇成份亦都唔同。魚油含有大量低密度脂蛋白（簡稱LDL），LDL係壞膽固醇，會積聚喺血管，令血管閉塞，嚴重甚至會造成血栓、中風等等嘅情況。而海豹油雖然都有LDL，但含量較低，反而含有更多高密度脂蛋白膽固醇（簡稱HDL）。有別於LDL，HDL係對身體有益嘅膽固醇，可以減少LDL嘅黏附性，移除積聚喺動脈嘅LDL，並順住血液經肝臟排出體外。透過移除堵塞血管嘅不良物質，可以大大降低心血管疾病，例如心肌梗塞、中風之類嘅發生機會。由此可見，進食過量魚油會構成健康風險，反而海豹油就冇呢個問題，甚至可以清理體內毒素，預防心血管疾病。
3. 天然抗氧化、更易保存
而除咗上述嘅成份差異，另一個大分別係兩者嘅品質。首先，海豹油嘅穩定性比魚油高，原因係海豹油含有天然抗氧化物（Natural Antioxidant），冇咁容易氧化，脂肪鏈相對較為穩定，而魚油因為欠缺抗氧化物，容易氧化，穩定性相對較低。其次，喺提萃過程方面，魚油係唔能夠天然萃取，需要喺魚骨、魚頭或者內臟人工化學提煉，過程期間容易畀不良物質污染，亦需要加入化學添加劑嚟分解同穩定魚油品質，一般魚油嘅成份都極為複雜。相反，海豹油係直接由海豹嘅脂肪組織採用低溫提萃技術提煉，唔使加工。而且海豹生活喺寒帶海洋，水質亦較為乾淨，冇乜污染，不良物質同雜質較少，所以海豹油嘅品質較為純淨，而且方便保存。
魚油同海豹油嘅功效雖然相似，但成份同品質大相徑庭。小編認為進食滋補品都係想有成效，可以保持健康，咁當然係揀款功效好啲嘅。魚油雖然都可以維持腦部同心血管健康，但係海豹油所提供嘅營養較多，而且易啲畀人體吸收，效果亦比魚油更為顯著，所以海豹油喺近年愈嚟愈受歡迎。
現今香港人可以點用海豹油？
1. 輔助「生酮飲食」餐單
宜家有好多香港人奉行「生酮飲食」，透過高脂肪、高蛋白質、極低碳水化合物嘅餐單強迫身體燃燒脂肪，但長時間進食呢啲高脂、高蛋白嘅食物亦會令大量脂肪同埋壞膽固醇積聚喺血管，咁樣都會令到身體出現心血管同血壓問題，影響健康。海豹油就可以配合到「生酮飲食」，豐富嘅Omega-3可以提高好膽固醇嘅水平，將積聚喺血管嘅不良物質排走，等大家可以有效減肥之餘，亦都可以減低血管變壞嘅風險，保持身體健康。
2. 修補運動造成嘅關節磨損
前排香港花劍代表「少年劍神」張家朗同游水代表「小飛魚」何詩蓓分別喺奧運會勇奪金牌同銀牌，相信嚟緊會帶起一股運動熱潮。但其實做運動會對關節造成好大負擔，容易磨損同拉扯，如果大家做運動嘅時候唔好好注意姿勢或者做好warm up，就會令關節受傷。而海豹油含有豐富嘅DHA同EPA，可以增加關節嘅靈活性同機動性，減少關節出現僵硬同磨損嘅情況，咁就可以放心做運動啦。
海豹油推薦
而喺咁多款海豹油當中，最優質嘅就梗係「健知己」嘅Activ Seal Oil海豹油。有別於其他海豹油，Activ Seal Oil係依照加拿大法律合法同適量捕獵海豹，以加拿大紐芬蘭（Newfoundland）一帶嘅豎琴海豹為原料，嗰帶嘅水域被嚴格監控，確保水質冇受到污染，而且Activ Seal Oil採用先進嘅低溫提萃技術，冇添加任何化學物質提煉，通過咗國際測試中心同埋加拿大大學實驗室嘅二噁英同多氯聯苯測試，品質達到藥品級別，純淨天然，安全可靠。所以如果想促進腦部發展、強化心血管功能，或者改善關節健康，就一定要揀最有質素保證嘅Activ Seal Oil！
